Liechtensteiner Lebensmittelbörse

herzlich willkomma i dr liechtensteiner lebensmittelbörse

dr grund för die gruppa isch mini aga unfähigkeit, nur für üs 5 zom kocha.
es langet noher meischtens oh no för 5 witri familia :-D
i nimms fascht immer is büro met und döt häns denn oh a fröd wenns amel zmittag git ☺
i wet dia verschwendig vo lebensmittel bez idämma. wia? i ha denkt so könnt das usluaga do hinna:

es isch donschtig und i ha no dr halb küahlschrank volla und mir sind öbers wohaend weg, a fleisch lauft in 2 täg ab, d’joghurt oh bald, mis gmüas isch glob oh dorri bismer weder kon...und und und

oder ihr hän an riesa öpfelbom im garta und bringen ned alle selber zom ässa, oder beera, egal was

also machi do hinna an itrag und schrieb z.b:

i het 2 gurka, 3 pouletschnitzile und 5 joghurt in schaan zum verschenka, dr schnellschte kunnts öber

oder

i ha grad zviel ghackets met hörnle gmacht, wer wet a portion gi hola ko...

oder

mir hän grad a grosses fäscht gmacht und viel kuacha und härdöpfelsalot zviel, kon gi hola...

oder

i han a riesa lebensmittelzeina gwunna/gschenkt kriagt, vieles ässen mir ned davo, i het: 2 böchsa erbsa, 1 ketchup, 3 kg mehl...

i glob jetzt wössender ungefähr i welli richtig dasses goht :-)

WICHTIG: es wird nüt verkoft do hinna, es isch gratis was ihr weggänd und ebaso gratis waser öberkon

die meischta vo eu kennen üsri gruppa wünsch dir was, wo mir in not grotena menscha in liachtasta und agrenzend helfa tuan met kleider, spielsacha etc., i würd dia gruppa oh gern nutza zom ab und zua mol an ufruaf starta för sona alleinerzühends mami oder sos persona wo grad sehr knapp sind und dringend paar lebensmittel bruchen

so, i bi sehr gspannt ob das funktioniert ☺

ps. i schrieb bewusst i üsrem schöna dialekt, das isch a liachtastander gruppa und wennma dr satz halt 1 mol me läsa tuat, denn söttmas scho verstoh, sos froga ;-)

liaba gruass
anita