ETHIOPIAN NATIONAL BLOOD TRANSFUSION SERVICE

እኔ አልልም ከንቱ ኖርኩኝ
ወላድ በምጥ ተሰቃይታ ደምም ፈሷት
ትንፋሽ አጥሯት አቅም አንሷት
ሕይወት ሰጥታ እንዳታጣ የሷን ሕይወት
በፍቃዴ ምትክ ደም ከለገስኳት
ሳልጎዳ እኔም የእናት ሂወት ካተረፍኩኝ
ማሙሽ ሚሚ ወላጅ አልባ እንዳይሆኑ ከረዳሁኝ
እኔ አልልም ከንቱ ኖርኩኝ ሳያስበዉ በአደጋ ደሙ ፈሶበት
ወይም ደግሞ ከበድ ያለ ሕመም ይዞት
ያ ወገኔ ሲጎሳቆል ሲገረጣ በአይረን እጥረት
ሆስፒታል ሲተኛ ወይም ቤት ሲዉል ድክም ብሎት
ደም ሰጥቸ የሱን ወዙን ከመለስኩኝ
እኔ አልልም ከንቱ ኖርኩኝ ክቡር ስጦታ ደም በመስጠት
ማዳን ከቻልኩ የሰዉ ሂወት
አርዐያ ሆኘ ሌላዉንም ካስተማርኩኝ
በየወቅቱ ደም መለገስ እንደሚቻል ለሷም ለሱም ከነገርኩኝ
በደም እጦት ሰዉ እንዳይሞት ከተጋሁኝ
እኔ አልልም ከንቱ ኖርኩኝ “ሰዉን ለመርዳት ሰዉ መሆን ይበቃል” በሚል መርህ ከተጓዝኩኝ
ሰዉ ሲቸገር እያየሁኝ እየሰማሁ ዝም ካላልኩኝ
ያለችኝን ካካፈልኩኝ
በሽተኛን በተቻለኝ ከረዳሁኝ
በአጠቃላይ የተጎዳን ከደገፍኩኝ፤ ካፅናናሁኝ
በጉልበቴ፤ በእዉቀቴ፤ በገንዘቤ ለወገኔ ከደረስኩኝ
ፈፅሞ አልልም ከንቱ ኖርኩኝ ዶ/ር ዙፋን አበራ፣ ህዳር/2007
ከሚ/ር ዴኤታ ጽ/ቤት፣ ፌ.ጤ.ጥ.ሚ.