Egyptian women's abroad cafe كافيه المصريات بالخارج

Φ#Φ►قواعد الكافية Cafe Rules◄Φ#Φ

≡◄ القواعد العامه للجروب :
1- ممنوع الكلام بالسياسة لكن مسموح بالطبع بالتعبير عن حب مصر ♡ ، وذلك حسب إجماع أغلبيه العضوات بنسبة 83% في التصويت الذي تم داخل الجروب
2- ممنوع قطعياً بأي شكل ان حد يغلط في مصر او في جيش مصر او في رئيس مصر أياً كان هو مين ، أو ان واحده تكون صورة البروفايل بتاعها مسيئه بأي شكل للرموز المذكورة.
3- لا نقبل بالجروب الأسماء المبهمه مثال " زهرة اللوتس – عاشقه الجنه – مرقة شجر :/ - وغيرها " الا في أضيق الحدود
4- بالنسبة للإعلانات على الجروب ، مسموح بالاعلان على الجروب لكن بوست واحد فقط كل يومان لصاحبة الاعلان ولن يقبل بغير ذلك حفاظاً على الشكل العام للجروب فلا ضرر ولا ضرار مع مراعاه عدم احتواء الاعلان على منتجات خارجه للآداب العامه أو مخالفة للشرع.
5- غير مسموح بأي تجاوز من أي نوع و في حق أي شخص ، " الجروب للناس المحترمين فقط " و في حال حدوث اي تجاوز يتم مراسلتي فوراً او أي من أدامن الجروب.
6- الجروب خاص " بالسيدات المصريات فقط " ولن يتم قبول أي سيده من جنسية أخرى ، وذلك حسب نتيجة التصويت الذي تم بالجروب وبعد ان بلغت الأصوات المؤيده 85 % .
7- الجروب اسمو " كافيه " وزيه زي اي كافيه حقيقي .. يعني ايه ؟!!
يعني انتي ممكن تعملي موضوع للمناقشه باحترام و تحطي فيه قواعد للمناقشه .. ازاي ؟؟ يعني انتي لو في كافيه حقيقي هيكون ليكي مكان تقعدي فيه انتي و اللي عاوزاهم وبس .. فتقدري لما تنزلي موضوع ببساطه تحطي الشروط اللي انتي عاوزاها في الرد ..
يعني مثلا واحده بكل ادب و بدون جرح مشاعر غيرها عملت موضوع للنقاش ، تقدر بعد الموضوع تكتب شروط الرد مثلاً :
- بدون تعصب
- بدون تجريح
- اللي تتكلم تكون فاهمه
- الخ ....
8- [ دي مش قاعده لكن رجاء خاص ، و يجب نراعي مشاعر و أحاسيس بعض .. يعني مثلا مينفعش واحده تحطلنا صورة جوزها نيجي نتكلم نحس ان راجل قاعد وسطينا ، يعني حتى نفسياً مش كويس فياريت نراعي الأمور اللي زي دي وزي ما قلت ده رجاء خاص ]
-------------------------------------------------------------------------------------------
≡◄ الوصف العام :
جروب محترم للناس الرايقه ♪♫♪♫ ..
نفضفض و نساعد و نعلم بعض في إطار كامل من الحب و الإحترام ツ ..
كلنا بنحب مصر ..
" الجروب للناس المحترمه المتربيه وبس و التعامل يكون على هذا الأساس "
الجروب الغرض منه يلمنا كلنا بكافة انتمائاتنا السياسيه و اللي يجمعنا كلنا هو حاجه واحده وهي حب مصر.
الإسم العام للجروب هو : Egyptian women's abroad cafe كافيه المصريات بالخارج
العنوان الإلكتروني للجروب هو : https://www.facebook.com/groups/Egyptian.women.cafe
الأدمنز الحاليين للجروب هم :
Nehal Mohammed
Saly Abdulrahman

اتمنى نكون كلنا على قدر الاحترام و الوعي الكافي علشان نرجع تاني كلنا نحب بعض
تحيا جمهورية مصر العربيه ،،
تحياتي .. ادمن الجروب