League Of Legends Egypt

لو سمحت اقرأ قوانين الجروب قبل ما تعمل أي بوست

قوانين الجروب:

*الصور
ممنوع تنزل الصور دي عشان شفنا منها كتير و الناس اتخنقت منها و مفيهاش حاجه جديده
و تعتبر سبام
الصور الي فيها واحد كسبان ماتش 32/4/20
الصور الي فيها واحد خسران ماتش 32/4/20
صورتك في الجيم و انت بتجيب penta kill
صور انك واخد بان من الشات
صور ان الكهربا قطعت عندك
بوست إنك متضايق إن الكهربا بتقطع عندك و حرام عليك يا وزير الكهربا يا وحش
الصور الي فيها نتايج الماتش عمتاً
صور الماتش هيستوري
الصور دي غالباً هتتمسح لأنها مكررة مليون مره و تعتبر سبام

* ممنوع بيع الأكونتات في الجروب, الإعلانات او اي نوع من انواع البيع و الشراء, ده جروب مجتمع جيمرز مش بيع و شراء اكونتات مستعمله

* ممنوع الـ Elo boosting بإعتباره ممنوع أصلاً في الجيم و بيخلي ناس نوبس توصل لـ رنكات عاليه و تقتل المتعه من الجيم بغبائهم

* الناس الي عايزه تشتري او تبيع RP ممكن تكتب في الجروب و في موقعين مضمونين بيبيعوا RP حاليأ في مصر sropedia.com و casper4gold.com
و هنزل لسته بأسامي ناس مضمونة بتبيع في اخر البوست ده


*التورنمنتس tournaments
لو حابب تنظم بطولة و تجمع فرق او لاعبين للبطولة لازم تكلم حد من الأدمنز و تتأكد إن في موافقة بالإجماع
على البطولة بتاعتك و خاصة لو الفرق لازم تدفع فلوس, ممنوع منعاً باتا البطولات الربحية من غير موافقة الأدمنز.


* لو انت شاكك إن في حد نصاب عايز يبيع لك RP او Skin من غير دليل قاطع, يستحسن متتعاملش معاه و متتهموش انه نصاب و تظلمه لمجرد انك شاكك.

* الناس الي بتدخل تستظرف و تستهزء و تشتم و تسخف و تبدأ مشكلة من اللاشئ بوستاتهم بتتشال و على حسب التكرار هيتعملهم بان

* مفيش حاجة اسمها الموقع ده بيديلك RP ببلاش, ده كله نصب و بيستدرجوك انك تفتح الموقع و تبعته لصحابك عشان يشوفو الإعلانات و تكسبهم فلوس, و في الاخر مش هيدوك RP
ف ممنوع منعاً باتاً لنكات ال RP generator اول مره هتتشال من الجروب, ثاني مره هيتعمله بان نهائي.

* بالنسبه لبوستات اكتشف عمرك الحقيقي و شوف صورة جوز خالتك بعد 20 سنه
و اخترق اي حساب في الفيس بوك و اكتب اسمك في مؤخرة مدير شركة كوكاكولا ف دي فيها بان رسمي
و لو اطول اعملهم بان من الجيم كنت عملتها

الجروب ده عباره عن ايه؟ إحنا مجتمع جيمرز
اسره كده مع بعشينا.