‫الصخيرات سيتي.‬

الصخيرات سيتي هي مجموعة اولاد الصخيرات.
فين ولاد امحيجر او ولاد ...الصخيرات لقدام.
بعد الذكريات التي نبشها الاخ شفيق خالد والمرتبطة أساسا بتاريخ أناس عاشوا حياتهم في مدينة الصخيرات أردت إضافة بعض الشخصيات البارزة في تاريخ امحيجر والمدينة لذلك سوف أعود بكم إلى الوراء واخص بالذكر أبناء المدينة.
شكون كيعقل على لمرابو نهار الأحد مني كان كيعمر بالنصارى او كانوا كيخلوا السيارات ديالهم في الهبطة ديال محطة القطار او شكون كيعرف بانا الريفي مول لبيكالة صاحبة لمرايا الله يرحمو لي معرفوش ماشي ولد الصخيرات، شكون يعقل على سي المعطي العزمي مدير المدارس الله يرحمو او ولدوا سعد او شكون كيعرف القهوة ديال المقدم بوعبيد الله يرحموا اوشكون كيعرف لحمق لانكريز الله يرحمو او لمعطي اولد مشيمش الله يرحوا،او شكون كيعرف العربي ربع دريال مجوج ربع دريال مطلق الله يرحموا، او شكون كيعرف سي حموا الطبيب ديال سبيطار الحومة الله يرحمو او شكون كيعرف الاسباني كونزاليس الحداد ليكاينة داروا حدا الروضة ديال سيدي عبد الله بن احمد او شكون كيعرف حمد الفأر الله يرحمو؛او شكون كيعرف الحاج السوسي الله يرحمها روح، شكون كيعرف با بن هير الله يرحمو مول لمعيزات ،او شكون كيعرف العطار ليكان مور اعدادية الإدريسي ليكان كيجري على الدراري ديال المدرسة الله يرحمو اوشكون كيعرف كومباطا ليكان كيجري على الدراري بالحجر حدا مدرسة محيجر الله يرحموا.
او شكون كيعرف با بنسماعيل مول البكرات الله يرحموا.او شكون يعقل على الحاج قدور ولد هبري ليكان كيكعد البريان ديال السكة الله يرحمو.
اشكون كيعقل على الدار ديال لاكروا لي مات في كسيدة الله يرحموا.
يالله لعندوا شي حاجة يجبدها .