ABERNANO TA, BASTA MALIPAYON KITA (Grupo't Akean)

Ro Grupong ABERNANO TA, BASTA MALIPAYON KITA (Grupo't Akean) hay ginpundar ko buean it Agusto 05,2013 sa pagpatikasog ko inyong Administrador ngara it bilog nga Akean ag sa bulig ko akong Pangaywang-Administrador nga ginsaligan. Indi matigayon raya nga grupo kung owa ro bulig ko atong (17) disi-sieteng POBRENG MALIPAYON Administrador it kada banwa. Raya hay para sa tanan nga mga Kaigkampuran sa guwa o sueod it Akean.Tanan ro maga-intrang myembro hay pagatawagon basi sa atong pagmaeahaean. Owa kita it pagapilion basi sa estado ko atong pangabuhi. Tanan kita paeareho mapa-imoe, o manggaranon man, Ro pagtratar naton sa atong mga kaigkampuran owa gid dapat it pinaeabi. Tanan do gasaka dikara sa atong KAMALIG hay pagatawgon nga AMPOD, POD para bugkos ro pagmaeahaean.Sa atong KAMALIG tanan kita puede makabahiwas, makadinaskae, o makawakae basi sa atong naisipan nga iistorya.Tandaan naton, kita kara hay malaya, owa it bawae basta sa kalipayan it tanan kinahangean eang nga gamiton gid naton it mayad ko atong hambae nga kakaiba sa tanan.Ngani bilang pagmahae naton sa atong linguahe nga Inakeanon indi naton ikahuya nga gamiton sa pagkomentar dikara sa atong grupo, Isipon naton nga matsa nakaistorya kita nga nasa baeay eang naton..Abernano basta may hibaygan owa it problema.Atong hangad ro magkalipay ag bukon it magsieiraan sa atong mga kaigkampuran.kUNG OWA KA IT PASENSYA bawae ka dikara, dahil kita hangad naton ro maghilinadya!
Kabay sa pag usad ko atong grupo mas pa natong tinguhaon nga magnami ag maghilinadya bisan gabot ro atong buesa.Mahigpit ko gid ginabawae ro pagpangolekta it kwarta dikara dahil ko intensyon kara hay magkalipay ag bukon it magpangayo it suportang pinansyal sa atong mga kaigkampuran.
Ag sa uman mga Ampod saeamat kinyong tanan...


Hala Bira ta ag Magkalipay nga owa't katapusan dikara ...




Admin SIOUX
Co-Ad Beth
17 Pobreng Malipayon Administrador