‫ولا يوم من ايامك يامبارك‬

مالك يا مصرى الهم فيك طهقان قرفان والحزن معشش فيك .
فكها شويه مش إنته بردة المصرى الى كنت معروف بفرحه مرسومه على شفتيك.
أيوة يابن عمى بس دا كان زمان و قول للزمان إرجع يازمان ؟
و لا زى ماجدودنا قالوا المصرى بالسووط رزم يعلى ويكون شديد.
إوعى تقول الكلام دا تانى أزعل منك و رب الكعبه يغضب عليك.
دا نبينا محمد صلى الله عليه وسلم كان بيحبنا ويقولنا الحريه تاج على الرأس و الكفين.
وبردة سمعنا من ناس قبلنا إننا كنا عبيد بس مرتاحين.
كنا فى السماااا بناطح السحااب ونقول للأرض إتهدى دا إحنا المصريين .
فاكر لما كنا بنروح نتسلى فى وسط السمراء و نجيب من هناك دهب وطين.
ونحط الطين على الطين ونزرع و يطلع الحب الأصفر و نغذى بيه كل المصريين.
أيوة يابن عمى دا كان زمان و قول للزمان إرجع يا زمان دا لما كنا بالكرباج ماشيين.
تانى أزعل منك و أقولك رب الكعبه يغضب عليك .
طيب أقولك إيه ولا إيه ولا إيه..مه صحيح العلم الغلط يورث الجهل فى الدين...
دا فى دينا قالوا إن العربى إبن أصل و عز ودين..
من يوم ما خلقنا رب البريه على الفطريه والدين..
أقولك يا مصرى من زمن أبوك و أبويا و هما يقولولك إننا كنا أحسن حال من كل عٌباد الدين.
كنا فى عهد ملك إسمه "فاروق" شويه بنى أدمين..نقوم و نقف يقف العالم يتفرج على البحرين ..
واحد على يمينك و التانى فوقك .. يقفم لنا كالجبلين..حاميينا من كل شر البنى أدمين..
كنا مسلفين المملكه فلوس و إتاكلت على المصريين ..
كنا واخين حقوقنا كلها بما فيها حق الدين.
أقولك كنا بنوقف التاكسى الكاديلاك أبو كام مليم....
و شوف إحنا بحبنا لذاتنا وصلنا لفين..؟؟؟
عدينا من السنسن ألفين عام وبنحس إننا متخلفين . زى مابيقولوا فى الشاشه والجرانين ....
أيوة دا صحيح قريته فى كام كتاب قديم .. وصدقته بس إنته كنت فين ...؟
لما ضاع مننا كلنا حلمنا و بينا عٌبــاد الجنيه ...
طيب ماتسيبك يا إبن عمى من الحزن الى معشش فيك ...
و تيجى نبدأ أنا و إنته من أول و جديد ...
حكايه بطلنا أنا و إنته وكل المصريين...
كل واحد يفضل يفكر بحاله بس و نسيب الكون لرب الكعبه والدين ...
-\-\ أيوة معاك بس دا بعد إيه ...!!؟
أنا بقوم من نومى أغسل وشى يــاك ألحق الأتوبيس أبو كام جنيه ...
ألحق شغلى أمضى و أقعد على مكتبى يمكن احل كام كلمه فى لعبه كلمات متقاطعه ..
و بعدها أنام شويه و أحلم أحلام متواضعه ..
-\-\-إن مهيتى زادت كام جنيه-\-\-
و أرجع تانى أروح بيتى أشوف هعمل إيه ولا إيه و لا إيه ...؟
أرجع شغلى فى محلى ولا أروح عند تجار الدين...؟
أقعد أسقفلهم علشان كام جنيه .. مهما دول أصحاب البلد و إلى معششين ..
من أيام الملك الى بتحكى عليه و عدا عليهم كام ملك فى بلدك ما أخدوا منهم حق ولا دين..
مهما معاهم يصرفوا عليا و على كل البنى أدمين ..
بس مش عارف دا صح ولا صحين إنى أكون ليهم مطبلاتى فى الدين ..
ولا يمكن غلط بس صحيح الغلط بيبرر لقمه العيش و يا مصاريف البيت ..
أنا تعبان ومش لاقى دواء لا معاك ولا معاهم بس أعمل إيه ولا إيه ودا حال كل البلد.
و بندعى ونقول يا مهون الأيام هونها على عبيدك دا إحنا مظلومين ...
لاعمرنا خدنا رغيف نظيف ولا حتى كام جنيه.. وماشيين ببركه دعاء الوالدين ..
ولادنا بيعيبوا علينا و إحنا بنعيب على غيرنا و غيرنا على على زماننا بيقول العيب فيه ...
ياربنا إرحمنا و نزل من عندك الغوث و يا صلاح الدين ...
-\-\-\-\-\-\-\-\-\-\-\-\-\-\-\-\-\-\-\-\أخوكم فى الله ( عمرو ودح)-\-\-\-\-\-\-\-\-\-\-\-\-\-\-\-\-\-\-\-\-\-\-\-\