飈車帝國Mini4WD Empire(四驅車場)

本會規條:

1) 禁止post其他車場活動, 如有問題, 可以與版主聯絡
2) 禁止post與迷你四驅車無關的文章
3) 本會...想以以和為貴為首要, 希望請會員不要post有粗言穢語, 人身攻撃, 不雅和挑釁成份的帖子
4) 本會有權將違例的帖子刪除, 不會作出任何警告和通知, 請各會員合作


簡介:

四驅車....
一個好熟悉但又遺忘左好耐既名字...
仲記得你第一架四驅車係邊架嗎?
仲記得你第一次玩四驅車既時候你幾多歲嗎?
仲記得彈弓龍頭鳳尾叉速鈴呢堆野嗎?
有試過係大坑渠放四驅車嗎?
38000轉犘打?
相信好多人都有試過呢D經歷
呢D亦係好多人童年回憶....

經過多年後....
除左速度之外還多左好多技術....
玩法亦多左好多...配件零件都變得專業左好多.....

十幾廿年前玩過....宜家再玩....
重新接觸一件理應好熟悉既野...但又變得好陌生...

有試過買左一架返黎懷舊.....之後砌得靚靚.....想試下放嗎??
有試過去到車場見到宜家多技術既玩法而嚇怕左唔敢放嗎??
自己買一條賽道當然唔貴...但唔玩時家中有地方擺嗎??
(驚比老婆/阿媽/女朋友鬧嗎?....嘿嘿嘿)
四驅車....都係一班人互相吹水交流下好玩D....

本會成立目的係志在設立一個平台尋找一班相同經歷既人...
痴痴呆呆坐埋一台.....onon居居企埋一堆....
互相交流一下....重新接觸四驅車.....
無論你係新手高手
我地都歡迎你互相指點一下...