‫E3dady's Society - مجتمع الإعداديه‬

منورين حبابي :D وجودكم هنا بعتبره وعد منكم بالإلتزام بالقوانين، ...ياريت كل واحد يكون قد وعده :D
•••••••••••••••••••••
هوا دا الجروب الرسمي لبيدج E3dady Sarcasm Society، الجروب هدفه المساعدة الدراسية والعلمية بشكل أجمل وطريقة أفضل في وجود مجموعة من المعلمين الأفاضل في كل المواد وطلاب من نفس مرحلتك يقدروا يساعدوك.
أي إن بوجودك هنا هتيفد وتستفيد إن شاء الله ..
•••••••••••••••••••••
وعلشان نحقق الفايدة المطلوبة مضطرين نحط شوية قوانين تظبط الوضع ..
على بركة الله ، القـوانـين :
- القاعدة الأساسية هنا: أي حاجة بتخالف الأخلاق العامة أو تعاليم الدين مش مسموحة
- أي حاجة بتحصل برا الجروب بسبب الجروب بردو بنكون مسؤولين عنها، فمتضايقش حد برسايل أو فعل من شأنه يؤذيه حتى لو برا الجروب ..
- كلنا هنا اخوات فالله بس دا مش معناه انه ينفع بنت تبعت آد أو مسج لولد أو العكس "إنك تبلغ أدمن عن كدا آمانة" أو حتى يبقا في كتر هزار بينهم فالكومنتس، حتى لو انتوا اخوات بس بعيداً عن الجروب معلش ..
- أي بلاغ أو شكوى عن أي حاجة خصوصا موضوع الآد والرسايل يبقا على بيدج الدعم الفني اللي لينكها تحت
- وبالتأكيد كجروب دراسي ممنوع تنشر فيه حاجة ملهاش علاقة بالدراسة، إلا في فترة الفسحة من 9 - 10 كل يوم وبعد الفترة البوستس اللي مش دراسة بتتمسح معادا البوستس العلمية والرسومات بيتقفل الكومنتس فيه ..
- الفرانكو ممنوع "بناء على رغباتكم"
- أي كونفرزيشن جماعي أو جروب واتس ممنوع بالأخص لو ولاد وبنات أو أي تفريعات للجروب على أي موقع على السوشيال ميديا
- لو عندك كومنت على بوست قاصد بيه تضايق صاحب البوست أو ترخم عليه احتفظ بيه لنفسك ، يإما تعارضه فالرأي باحترام
- مش لازم شغل انك تبين درجتك وانا جبت 300 وزعلان وانا جبت 160 وفرحان والشغل دا (راعي الظروف النفسية لغيرك مش روشنة دي .. )
- مش عاوزين الإحصائيات اللي ملهاش لازمة زي كام واحد بيحب مادة كذا او كام واحد فسنة كذا
- الجدالات السياسية او الكروية ممنوعة
- الحاجات اللي ممنوعه من الفيس ممنوعه فالجروب زي السبام و اللينكات والاعلانات الخ...
- كل القوانين دي بناء على رغاباتكم وأرائكم إنتم، مفيش أدمن هنا غير نفسك فلو مش حابب قانون تقدر تناقش فيه أي مانيجر وإما نغير القانون أو تقتنع انه صح، فالحالتين هتكون مبسوط إن شاء الله ..
- إلزامياً لازم الأدمن يعاملك بأدب وإحترام وإن شوفت غير كدا منه فالقوانين تكفل ليك كامل الحق فالاعتراض عليه، وساعتها نسوي الخلاف بشكل أخوي إن شاء الله :D ...
•••••••••••••••••••••
اللينكات
E3dady's Society : FB.com/groups/E3dady.S
Thnwy's Society : FB.com/groups/Thnwy.S.S
support : FB.com/Help.E3.Th
•••••••••••••••••••••
آسف على الإطالة ، أو لو الأسلوب حازم زيادة عن اللزوم بس بنحاول نعلي الاستفادة بمساعدتكم إن شاء الله
الله . مش مهم الوطن . البيدج والجروبين