اهلا وسهلا بكل الأعضاء
هذا الجروب هو لملاك بريليانس v5 فقط وهدف...ه الاساسي هو مناقشه وتبادل الخبرات في كل ما يخص بريليانس V5.
برجاء قراءه قوانين الجروب
1- الاحترام المتبادل بين الاعضاء وعدم الاستهزاء باراء الاخرين
2- عدم التطرق للأمور السياسية بتاتا
3- يمنع الكلام في امور الدين ويمنع منعاً باتاً السب او الشتم
4- يمنع اي مزاح يتعدى الحدود الأخلاقية
5-ممنوع وضع صور مخله بالآداب العامة
6- ممنوع تنظيم اي حدث بأسم الجروب سواء ايفنت او ميتنج بدون الرجوع للأدمنز.
7- بخصوص الاعلانات يجب ان يحتوي الاعلان علي وصف كامل للمنتج من حيث السعر وصورة المنتج ورقم الهاتف للمعلن والمواصفات بالكامل والجروب غير مسئول عن اي عمليات بيع وشراء بين الاعضاء او اي تعامل في الفلوس بين الاعضاء .
(تقرير عن ال V5 من Ahmed Hamdy & Dr.Medhat Elbelbisy) من اللينك التالى :
http://www.nilemotors.net/Nile/319925-v5-5000-a.html
(تقرير من مهندس يحيى أشرف) :
للناس الجديده فى الجروب واللى بيسالوا عن العربيه :-
الاول أهلا بيك معانا فى الجروب وده شوية كلام منى كمالك للسياره
- السيارة إنتاج تعاون مشترك بين بى ام دبليو الالمانية وبريليانس الصينية
- تصنع السيارة بمصانع بى ام دبليو فى الصين
- الصاج من بى ام دبليو مش من بريليانس وده هتلاحظوه بجد لما تروح لسمكرى ويفضل يقولك شعر فى الصاج وميصدقش ان دى عربيه صينى
- عفشة السيارة المانى بالكامل
- المحرك ميتسوبيشى مايفك يابانى والسير جنزير مش كاوتش وده افضل ومع ذلك صوت العربيه هادى وجميل اوى
- العربيه فى نظرى تعتبر أفضل عربيه صينى موجوده حاليا فى مصر من حيث التفنيش - جودة الخامات - العمليه - الأوبشنز - الأداء
- العربيه دى بتتقارن بكيا سبورتاج ونيسان قشقاى و هيونداى IX35 رغم فرق السعر ما بينهم بس انا بقول كلام عن تجربه شخصيه
- فعلا العربيه مبحسش انها صينى على الاطلاق بحس ان اللى صنعها كان مهتم بكل كبيره وصغيره فيها
- فيها سيفتى عالى اوى زى الالمانى بالظبط زى ال 4 ايرباج وال ASR وال ABS و EBD
- العيب الوحيد اللى انا شايفه فيها هو ان تجميعها من 0 ل 60 بطىء وده يرجع لان وزن العربيه تقيل اما من 60 فما فوق لما العربيه بتتخلص من وزنها تقدر تشد بيها عادى اوى وبالمناسبه لو قلبت الفتيس على +/- اللى هو المانوال سحبها هيبقى افضل كتير من وانت بتسوقها اوتوماتيك
- الناس اللى بتقول ده فيها عيب علبة دركسيون احب اطمنك واقولك ان العيب ده فى موديلات 2013 واوائل 2014 والتوكيل بيغيرها على الضمان و من اواخر 2014 وحتى الان تم تلافى المشكله بالكامل والباور كهرباء
الخلاصه ان العربيه جميله جدا ما شاء الله واللى ناوى عليها يتوكل على الله ومش هيندم وانا راضى عن كل جنيه دفعته فيها وبجد انت هتبقى كسبت عربيه فعلا رفاهيه كشكل وكمضمون وسيفتى عالى اوى والعربيه بقت منتشره بشكل رهيب جدا رغم ان التوكيل مبيعملش اى نوع من الدعايا ولكن لان العربيه اثبتت نفسها بجد وكفائتها وده اللى خلى يبقى عليها إقبال غير عادى